نكت مغربية

السلام عليكم ورحمة الله تعالى وبركاته

اليوم جبت لكم نكت مغربية ( للمغاربة فقط ) اما غير المغاربة فل تفهمو شيء ههههههههه

الحفرة والمكلخين

هادي واحد الحفرة كل مرة تايطيح فيها واحد، واحد النهار اجتامعو الناس باش يلقاو شي حل (كولهم مكلخين) ناض الاول قالهم نديرو شي فرملي فالحفرة باش ليطاح يتعالج تماك جا لاخر قاليهم لا نجيبو لامبيلونس تبقا حدا الحفرة باش لي طاح يمشي نيشان لصبيطار، ناض الثالث قاليهم لا نريبو داك الصبيطار او نبنيو واحد آخرحدا الحفرة، ناض واحد آخر قال ليهم لا نسدو ديك الحفرة او نحفرو وحدا أخرى قدام السبيطار

__________________________________

سكران حرق الضوء الحمر

هادا واحد سكران حرق الضو الحمر

وقفو البوليسي وقال ليه: آ سي راك دزتي ف الضو الحمر

قال ليه السكران: وماشي شي حمورية نيت

_________________________________________

ثلاثة حكمو عليهم بالإعدام

ثلاثة حكمو عليهم بالإعدام اميركي والماني و مغربي.

سولو الأمريكي : باش بغيتي نعدموك بالآلة الكهربائية أو بالسيف ؟ قال : بالآلة الكهربائية، ما خدمتش الآلة اوعفاو عليه . وساولو الألماني : باش بغيتي نعدموك بالآلة الكهربائية أو بالسيف ؟ قال : بالآلة الكهربائية. ما خدمتش الآلة اوعفاو عليه. وساولو المغربي نفس السؤال   و قاليهم بالسيف . ناس بداو كايغاوتو عليه و نتا طلبليهم الآلة الكهربائية..! و قاليهم : راه مخدماش ما خدمااااش

____________________________

الوزير والببغاء

وزير عربي مشى زيارة البرازيل.. أو تما شاف واحد الببغاء كايهدر بالعربية أو شراه

وحيت ارجع الوزير البلادو سولو واحد الموظف فالجمارك ديال المطار: سيادة الوزير واش هاد الحيوان هذا معاك؟

فرد الببغاء بسرعة: آه.. معايا..!؟

__________________________________________

رئيس دولة عربية مع شعبه

رئيس دولة عربية معروفة استدعى وزير داخليته ليستفسر عن مدى حب الناس له وحقيقة ذلك وسئله : الرئيس : اريد ان اسئلك بصراحة هل الشعب يحبني حقاً ؟

وزير الداخلية : نعم ان الشعب يحبك من كل قلبه ، وعندما ننطق اسمك في اية مناسبة فالجميع يصفق بحرارة.

الرئيس : أهل تجبروهم ام يصفقون بحريتهم؟

وزير الداخلية : طبعا بحريتهم ونحن لا نجبرهم ابداً . ...

لم يقتنع الرئيس بكلام وزير داخليته واراد التأكد بنفسه من ذلك ، وفي احدى المناسبات القومية تخفى بثياب رجل بدوي لكي لا يتعرف عليه احد ودخل قاعة الاحتفال ، وعند بدء الخطابات وذكر اسم الرئيس ، فصفق الجميع والرئيس ابتسم وهو جالس مكتوف الايدي ، وبلحظة ضربه احد الجالسين بقربه على رقبته وصرخ عليه :علاش مكاتصفقش يا الكلب ؟

___________________________________

الفرق بين الولد والبنت ههههه

ﺍﻟﺒﻨﺖ: ﺑﺎﺑﺎ

ﺍﻷﺏ: ﺣﻴﺎﺗﻲ

ﺍﻟﺒﻨﺖ: بغيت 100 درهم ﻟﻠﺴﻮﻕ

ﺍﻷﺏ: ﻣﻦ ﻋﻴﻮﻧﻲ . .... ...

ﺍﻟﺒﻨﺖ: ﺑﺎﺑﻲ

ﺍﻷﺏ :نعم ﻳﺎ ﻋﻤﺮﻱ

ﺍﻟﺒﻨﺖ بغيـت بورطابلﺟﺪﻳﺪ

ﺍﻷﺏ: دابا نمشي نجيبو ليك . .

ﺍﻟﺒﻨﺖ: ﺑﺎﺑﺎ

ﺍﻷﺏ: نعم ياعوينات ﺑﺎﺑﺎ

ﺍﻟﺒﻨﺖ:بغيت توب جديد

ﺍﻷﺏ: ﺍﻟﻠﻴﻠﻪ ﻴﻜﻮﻥ ﻋﻨﺪﻙ: . .

ﺍﻟﻮﻟﺪ: باﺑﺎ

ﺍﻷﺏ: اش بغيتي يالحمار ، ...... ﺗﻢ ﺣﺬﻑ ﻣﺎﺗﺒﻘﻰ ﻣﺮﺍﻋﺎﺓ ﻟﻤﺸﺎﻋﺮ ﺍﻟﺸﺒﺎﺏ هههههههههههههههه

_____________________________________

فقيه معڭاز

قالك هدا واحد لفقيه معكاز مزياااان واحد نهار في الجمعة دار الخطبة أوصلا بالناس ميلي سالا قال ليهم : شكون اللي عارف قصة سيدنا داود كولشي هز صبعو أوهو يقول ليهم :بلا ما تجيو الجمعة الجاية

________________________________

من أين يبدأ وينتهي الحب ؟؟

سُإِلَ حكيم ...من أين يبدأ و ينتهي الحب ؟ فقال يبدأ من العين و ينتهي منها أيضا .

فقيل كيف ذلك ؟ فقال الحكيم يبدأ بنظرة من العين وينتهي بِكْرُوشِيَة ديال خوها من نفس العي

_______________________________

معڭاز ضبر على خدمة

واحد معكاز بزااف ... قال لصاحبو : دبرت على خدمة. قال ليه مبروك فين ؟؟

قالو فمطبعه...كانكلس فوق الوراق باش مايطيروش 

_________________________

واحد المكلخ كان سهران ف دار صاحبو، وملي بغى يمشي لدارهم، لقى الشتا كتصب.

قال ليه صاحبو : غير بات عندي اليوم، الدنيا هانية. ومشى للكوزينة يوجد أتاي

ملي رجع، لقى المكلخ كله فازg، وهو يسولو: منين جاك هاد الما؟

قال ليه المكلخ : غير مشيت لدارنا جبت بيجامة ورجعت

___________________________________________________

واحد مشى لأوطيل (فندق) وسولوهم: بشحال ليلة ف بيت كيطل على البحر؟

قالوا ليه: 600 درهم

قال ليهوم خينا: وبشحال غادي تخليوها ليا إيلا حلفت ليكوم بالله ما نطل من الشرجم؟

+++++++++++++++++++++++++++++++++++++++++++

واحد قال لصاحبو: أنا احتمال خمسين بالمية نتجوج بهيفاء

قال ليه صاحبو: وكيفاش زعما؟

قال ليه لاخور: أنا ودارنا موافقين، بقات غير هي ودارهم.

________________________________________________________

واحد محشش جالس ف القسم، كل شوية كيضحك

ف التالي ضحك واحد الضحكة بالجهد

قال ليه المعلم: نتا مالك واش تسطيتي؟

قال ليه المبوق: راه كنت كنعاود لراسي النكت، واخر وحدة أول مرة نسمعها

_____________________________________

واحد مبوق شاف واحد البنت رقيقة بزاف

سولها: فاش خدامة؟

قالت ليه: عارضة

قال ليها: ف إينا ملعب؟

__________________________________

هادو جوج مبوقين

واحد عطس، ولاخور كحب

الأول قال للتاني: علاش كتبدل الموضوع؟

______________________________________

واحد الكسول سول المعلم ديال الانجليزية: أستاد، أشنو المعنى ديال why؟

قال ليه الأستاد: علاش.

قال ليه الكسول: لا، غير سولت.

قال ليه الأستاد: علاش أبنادم، علاش.

قال ليه الكسول: راه غير بغيت نتعلم الانجليزية 

بوجمعة حل واحد القهوة جديدة و كتب فوقها 

BMC

جا لعندو المراقب قال ليه : علاش سميتها

BMC

  جاوبو بوجمعة :

B بوجمعة 

M مول 

C كافي

يعني بوجمعة مول الكافي

و هو يقول ليه المراقب : ولكن هاد السمية راها ديال واحد البنكة، وإيلا ما بدلتيهاش من هنا ل 3 ايام، غادي ندخلوك لحبس 

ملي دازت 3 ايام رجع عندو المراقب و لقاه زاد لها 

MMB 

ولات

BMCMMB

و هو يسول بوجمعة: اش كتعني دابا ديك السمية؟

جاوبو بوجمعة : بوجمعة مول الكافي...ماشي مول البنكة

_________________________________

وحدة كانت مع صاحبها ..وفجأة بان باها..قالت ويلي ويلي بابا..قالها ..ماتخافيش قوليلو أنا خوك.

================================================

قال لك واحدة وصلت للقسم معطلة..قالها الاستاذ" أش هاد التعطال؟..جاوباته: كان تابعني واحد

كيبسال عليا
قال لها الأستاذ: إيوا راه خاص توصلي بكري ماشي تعطلي
جاوباته: لااا..راه كان كيتمشى بشويا
================================================

واحد راسو كبير ديما واحد لبرهوش كايقول ليه ناري كون كنتي ملك... ديما .. واحد نهار شدو قال

ليه اش هايطرا كون كنت ملك.. قال ليه الدرهم هاتكون قد الصينية

================================================

واحد مشا عند شوافة قا ل ليها بغيت تشوفي ليا واش نقدر نعيش 40 عام. قالت ليه واش كتكمي..قال

لا..واش كتشرب لا.واش كتبع دريات.لا. قالت وعلاش بغي تعيش 40 عام

دري بغا يمشي من طنجة عايم حيت غير 14 كلم... ضرب 7 كلم...عيا هوا يرجع

================================================

هدا واحد الدري مشى عند درية أ سولها أشنو سميتك
قالت ليه fati fleur (فاطمة الزهراء)
قالت ليه أ انت
قال ليها le pere de vendredi (بوجمعة )

================================================
واحد الاستاد قال لتلاميذ دياولو. غادي نوريكم 3 انواع ديال الكعيات

اتصل بواحد النمرة او جاوباتو بنت قال ليها كاين حميد، قالت ليه لا ماكاينش (كاعية)

قال ليهم هدي 1

اتصل بنفس النمرة او جاوباتو نفس بنت قال ليها كاين حميد، قالت ليه لا ماكاينش مالك صدعتينا (كاعية اكثر)

قال ليهم هدي 2

اتصل بنفس النمرة او جاوباتو نفس بنت قال ليها كاين حميد، قالت ليه لا ماكاينش الحماااااااار(كاعية بزاف)

قال ليهم هدي 3

واحد التلميذ قال للاستاذ انا غدي نوريك الكعية الرابعة

اتصل التلميذ بنفس النمرة او جاوباتو نفس بنت قال ليهاانا حميد، واش اتصل بيا شي واحد، او هي............

================================================

فار غادي .. سمع عرس... دخل ليه لقا عرس ديال المشاش... بات لعروسة شدو وقال لجوق: غنيو ليه يازربان على عمرو

================================================
واحد شرا صباط كبير عليه.. ما بغاش يلبسو حيت يحتارموا.
================================================

واحد صاط شابع عياقة. مشا يدوز امتحان فالفرنسية سولوه اش ناهو الحديد بالفرنسية قال ليهم
musculation
================================================
واحد كايقولوا ليه الحاج شلاظة .كعا من السمية.. مشا هاجر شي 30 عام باش انساو... رجع هوا يشوفوا واحد صاحبو قديييم.. قال ليه واش نتا هوا الحاج بصلة اولا مطيشة اولا خص... الحاج قال ليه تخلطها نخلط مك.
================================================
واحد سكران وفجيبو فار تاهوا سكران... جاي كيغوت فالدرب.. واحد لمرا طلات عليه قالت ليه هانعيط لمك على لحناش... الفار خرج هوا يقول لها عيطي تاعلا لمشاش

================================================
هادا واحد مراتو خارجة عليه، ديما هو كيغسل المواعن .. واحد نهار جلس يعاود لواحد صاحبه جا هو قاليه هاد المرة ملي تدخل للدار مع الدخلة غوت عليها و قول ليها واش كاين شي غدا.
مشا هو دخل للدار و غوت بالجهد :حناااااااااااااان ... و هي ترد عليه بجهد كتار : ماااااااااااااااااااااااالك؟؟؟؟
قال ليها : كاين شي مواعن نغسلهم؟؟؟
================================================
هادا واحد ساكن في الطروازيام ايطاج كاره مراتو و بغا يقتلها و حرافت ليه كيف يعمل ... واحد النهار مشا حل السرجم و عيط عليها " فاطمة جري جري... الجيران كيدابزو " و هي تجي طايرة ، كيف وصلت للسرجم و هو يدفعها الطيح... شوية و هو يسمع الدق في الباب مشا حله، لقا مراته داخلة و هي تقول ليه " اااااه على ملاغة شحال باسلة "
هههههههههههههه
================================================
اما هادا مشا تصور بين جوج حمير، وسيفط التصويرة لصحبتو ، و كتب ملاحضة في القاع : انا هو الموجود في الوسط

================================================
كاليك هدا واحد الرجل
قال لولدوا سير جيب 20 فرنك ديال الزبدة
مشا الولد عند مول الحانوت كالوا كاليك بابا عطيه 20 فرنك تاع الزبدة
مول الحانوت قال للولد : سير عيط لباباك يجي يلحس الموس

================================================
واحد الشفار دخل لواحد الدار... هي تشدو مولات الدار غلييييييظة و هي تجلس عليه و هي تعيط على ولدها: مصطفى !!!!!! عيط دابا لبوليس... و هو يقول ليه داك الشفار: سربي دغية أخاي مصطفى .

================================================
جوج حشايشية كيتكيفو قدام مرايا.. واحد قال لصاحبو شوف وحدين مقابلين معانا .. صاحبو ناض وقال ليه انا هنسولهم....قال ليه غير رجع هواحد منهم جاي

================================================
هاد واحد المرا كتشك فزوجها 
واحد اليوم لقات عليه شعرة زعرة قالت ليه شكون هاد الزعرة اللي كنت معاها 
واحد النهار لقات شعرة حرشة قالت ليه شكون هاد السودة اللي كنت معاها وواحد النهار ما لقات حتى شعرة قالت ليه شكون هاد القرعة اللي كنت معاها

____________________________________________

هادو 2 دراري تعطلو على المدرسة ,و قال ليهم المعلم : علاش تعطلتو ؟

قال ليه واحد راه طاحت ليا 10 دراهم , و هو يقول ل تاني: و نتا مالك

قال ليه: راه كنت داير رجلي عليها .

=================
قال لك هدا وحد غبي قال يا رب ندير يدي في جيبي نلقى 20 درهم مني قلب جيبو لقاه متقوب و هو يرجع يقلب لتكون طاحت

=================
هدا واحد الراجل صحيييح دايما كيمشي عند البقال و كيقول له :اعطيني كوكا ولا .....؟ و البقال كيخاف منه و كيعطيهالو بلا فلوس

جا واحد النهار البقال طلع ليه الدم و قال مع راسو و الله اليوم ما نخاف منه و اللي بغا يكون يكون . ايوا جا عنده ديك الراجل و قال له عطيني كوكا ولا ...؟

جا البقال رد عليه :ولا شنو ؟؟؟؟ رد عليه الراجل و قال له: ولا فانتا .
================================================
واحد الراجل مشا عند البقال و قاله اعطيني بوطاغاز جاالبقال قاله و الخاوي ؟؟؟ رد عليه :غدي نشربها هنا.

هذا واحد مول الطاكسي مبوق مزيان غادي فالمدينة او هي تشير عليه واحد المراا هو يوقف طل عليها من الشرجم او قال ليها فين غاديا أ لالة قالت ليه السوق اَسيدي هو يقول ليها سيري أوُ متعطليش

================================================
دري بغا يمشي من طنجة عايم حيت غير 14 كلم... ضرب 7 كلم...عيا هوا يرجع

================================================
سقرام (بخيل) شرا خبرة..شفرها ليه شمكار(مشرد) تبعو... مني شاف انو مشا عليه.. قال ليه سير صدقة ورحمة الوالدين================================================
هذا وحد الرجل بغا ينتحر أو مشى لواحد المقهى في إسبانياو كان باغي ينتحر او هادوك لي لتحت جابولولو لفلوس و قالولو متنتحرش و واحد المرة بغا يدير هكاك حتى في المغرب و قالو وحد الرجل لتحت طيح طيح نشوفوك كي غادي الدير
================================================
+هدا واحد الدري مشى عند درية أ سولها أشنو سميتك
قالت ليه fati fleur (فاطمة الزهراء)
قالت ليه أ انت
قال ليها le pere de vendredi (بوجمعة )
================================================
هدا وحد السبيطار ديال الحماق ديما إاى جا الطبيب فاصباح كايلقا شي حماق فواحد البيت مضروبين كولهوم فجبها ديالهوم إلا 1 واحد المرة دارو ليهوم الكاميرا ملّي جاو الغد ليه خدمو لكاسيطا ل تسجلات لقو هاداك لي مامضروب كيرسم ليهوم 1 الخط فالأرض أو كايقول ليهوم لي داز تحت هاد الخط نعطيه 200درهم

================================================

ذهب أعرابي عند صيدلي و قال له "عندك نعناع" أجابه الصيدلي "لا"
رجع بعد ساعة فسأله عندك نعناع فقال الصيدلي "لا هذه صيدلية و لا أبيع النعناع"
رجع مرة ثالثة و رابعة و دائما يسأل عن النعناع....فذهب الصيدلي و اشتر ى نعناع من السوق و لما عاد الأعرابي يسأل عن النعناع مرة أخرى قال "هل عندك نعناع" فقال الصيدلي "نعم عندي نعناع" فأجابه الأعرابي "محال إتمشا ليك النعناع فالفرمسيان".....
****************
هذا واحد لفروج سكر تا سكر مزياااااان و هو يمشي عند السبع و عطاه تا هوا الشراب و تا السبع تبوق مزياااان و طاحو بجوج الارض ... لفروج ناض هو الاول شاف فسبع و هو يكول ... ... وااااو تنشربو و تنخسرو ... ايصحاب ليه واش سلخ السبع

________________________________________________________________________________________________________________________________________________________________________________________________________________________

واحد خينا مشا عند واحد الحلاق و سولو : خويا شحال باقي باش توصلني النوبة.

شاف الحلاق في الكليان و قال ليه من دابا ساعتين.

مشا داك خينا ورجع تاني من بعد يومين عند الحلاق و سولو: خويا شحال باقي باش توصلني النوبة ؟

شاف الحلاق في الكليان و قال ليه من دابا ساعتين و نص, وهو يمشي تاني فحالو

الحلاق دار عند واحد الكليان و قال لية : ها لعار لما شوف ليا هد السيد فين مشا … راه ديما كتوصل نوبتو و ماتايرجعش ؟

مشا الكليان تبعو تا دخل لواحد الدار ورجع للمحل حشمان وجهو حمر.

قاليه الحلاق مالك ,, فين تايمشي هاداك خينا ؟

قال ليه لدارك أحويا

,,

,,

الحلاق الدمدومة … مرتو مخدومة

طفلة صغيرة سألت أباها بابا كيف بدأ الخلق ؟
…..
…
.
جاوبها : الله خلق أدم وحوااء وتزوجوا وجابو أولاد وبنات وبدأت قصة الخلق .
.

.
.
..!!مشات سـولات امها نفس السؤال ردت عليها : الانسان اصله قرد وتطور وصار يشبه الانسان…
.
.
رجعت لأبوها : بابا علاش كتعلمني غلط !! …ماما كتقول أن الانسان اصلو قرد . .! …………قال ليها : حبيبتي انا هدرتلك على عائيلتي !!أما العائلة ديال أمك بوحدهم

واحد المكلخة سخراتها ماماها قالت ليها هاك جيب لي 5 دراهم دقيق , يلاه البنت غاتخرج

قالتليها تاني ها 5 دراهم واحدة خرا جيبي بها الزبدة , البنت مشات او هي ترجع

لدار و سولاتها ماماها فين السخرة, وهي تقول ليها

,,

,

ماما فين 5 دراهم لينجيب بها الدقيق و فين ليغانجيب بها الزبدة

الفرق بين طاولات البنات و الاولاد:

طاولات البنات

تلقاها راسمة قلب وملوناه بالوردي

تكتب بخط بارز اسمها واسم صديقتها حنان+ ليلى= الحب

عين على السبورة وعين مسمرة في الطاولة تلخص سنوات الضياع

طاولات الشباب

نصفها محفور … كانه مشروع انتاج النفط

تجد مكتوب بخط كبيييير visca barça

و صاحبو في الفوج الاخر يرد عليه

يحفر مكان الكتابة ويكتب hala madrid يا الحمار

و لكن الواعرة ديالهوم هو زر إضغط هنا يختفي الأستاذ

واحد الكسول نقال جراو عليه من امتحان مادة الرياضيات، ,,, علاش؟
لقاوه كاتب مورا كالكيلاتريس ,,, جدول الضرب 

بكل صراحة من مننا لم يحمقه امتحان الرياضيات و تلك المعادلات العجيبة و الغريبة و التي تبدو كأنها مكتوبة بالشينوية

بخصوص الشينويين أتعجب لأمرهم كيف استطاعو صناعة كالكيلاتريس ذكية و تجيب بسرعة

واش دابا زعما الكالكيلاتريس حسن منا ولا الشينوا اللي حسن منا

أنا بعدا هد الكسول اللي جراو عليه من امتحان الرياضيات بقا فيا مسكين لأنه مداير والوو ,, راه الكالكيلاتريس حيت مغربية ماش شينوية هي لي دارت المشكلة لأنها غشاشة و لأنها ما حفضاش جدول الضرب ألسقته و رائه لتجيب التلميد عن عملياته الحسابية

إذا كنت كذلك من أصحاب الكلكيلاتريس المغربية اضغط J’aime و عنداك يحصلوك كتنقل

المغاربة هم الشعب اللي ما كيسخاش من العطلة
.
.
.

بغينا عطلة قبل العطلة باش نوجدو للعطلة ، و عطلة بعد العطلة باش نتساراحو من العطلة





لأنه هذ الأساتذة و المعلمين وجههم قاسح

بمجرد وصول العطلة يكلفوننا بإنجاز العديد من التمارين و البحوث,, بينما هم يتفججون ويستريحون من تعب المدرسة

صراحة هادشي ما شي معقول لأننا إذا قرأنا في أيا العطلة و أمضينا وقتنا في إنجاز التمارين ما غاديش تبقى سميتها العطلة لأن الفرق الوحيد هو أنك سوف يمارس عليك عداب الدراسة في المنزل عوض المدرسة ..

أين إضا الراحة و الإستجما الذي تتميز به العطلة و متى سنضح و نلعب و نتنزه و نسافر إذا أمضينا وقتنا في إنجاز التمارين أثناء العطلة

لهذا نحن لا نسخى بالعطلة و نريد عطلة للإستراحة أولا من تعب المدرسة, ثم عطلة لإنجاز التمارين, و بعدها عطلة للإستراحة من تعب التمارين قبل الدخول إل المدرسة ,,,

تتكون مقصر و ناشط مع اصحابك .. حتى كيصوني بورتابلك :

.

.

.

.

.

.الواليد ديالك : الو

…….اهلان لواليد لباس عليك .. بخير

الواليد: فينك يا داك المسخوط

…….الحمد لله بخير الله يسلمك الواليد

الواليد :و قلت ليك فينك الحمار

……لا صافي كون هاني شوية ونجي لدار

الواليد : والله يا الحححمار لا بقات فيك ,, هير تاتجي

……أيه يسول عليك لخير ,,, مبلغ

الواليد : بيب بيب بيب قطع

وانت مازال داير راسك كتهدر معاه . .. بسلامة عليك آلله يخليك.. لاشكرآ . هانيا.. يوصل يوصل.هههههههههه . ان شاء الله.. مع السلامة

,,,

وفاش تقطع كتقول لصحابك…. دراري : الواليد كيسلم عليكم

الشاب : أحــبك !!

البنت المغربية : لواه الزعتـر

فتساءلت عن دخل الزعتر في عشقي لها

..

الشاب : كنموت عليك!!

البنت المغربية : لواه النبـــك

فتساءلت عن دخل النبك في حبي لها !

……

الشاب : كنحماق عليك!!

البنت المغربية: لواه النم

فتساءلت ما دخل النم في حبي لها !

..

قُلـــت لها :بغيـــت نتزوج بيـــك!!

قالت لـــي: هالعااار ّ؟؟ بصــــاحْ

فقُلـــت لها : لـــواه النبكْ و الزعتـر و النم ,,, هير تنضحك معاك

الطفل المغربي ذكي !!
.
.
.
فاش كيشوف الدار نقية
..
.
و الصالون مرتب
.
.
يقول لامه : شكون جاي عندنا ليوما ؟
هههه بصراحة ألم يسبق لك أن قلت لأمك هذا السؤال ؟ أو سمعت أخاك الصغير أو أختك تقوله لأمك هههه
لأننا في ثقافتنا المغربية إذا لاحظت جيد تقاليدنا و عاداتنا اليومية ستتفاجئ بغرابة بعض الأشياء التي نفعلها أحيانا و التي قد يصعب فهمها
فمثلا عندما يرن هاتف بيتكم و ترفع أمك السماعة لتجد أن الضيوف يتصلون بكم ليخبرونكم أنهم قادمون عندكم في المساء ,, ترحب بهم أمك و تقول لهم مرحبا بكم توحشناكم هير جيو عندنا ,,
بمجرد أن تضع أمك السماعة, تخبرك الجميع بأن الضيوف قادمون و تعلن حالة الطوارئ – صونيت ديال رجال الإطفئ ههه- ليتجند جميع من في المنزل في صف واحد و تمد كل واحد بمعدات التسياق و التخمال و التجفاف , لتنقلب الدار رأسا على عقب.
وفي ساعات قليلة يصبح المنزل يلمع بكثرة النضافة و هذا ليس بفضل Monsieur Propre ههه و إنما بفضل أمك و أختك و أنت كذلك
وعندما يدخل البرهوش ديال خوك الصغير بعد أن كان يلعب في الدرب .. و كيشوف الدار مرتبة و كيشم ريحت سانيكروا ههههه
يقول لامه : شكون جاي عندنا ليوما ؟
إذا سبق لك أن عشت هذه التجربة إضغط J’aime

و شكرا اتمنى يعجبكم الموضوع

مع تحياتي

التوقيع :sose